د به‌رده‌وامیا بزاڤ و چالاكیێن سه‌نته‌رێ گه‌شه‌پێدان بۆ كارى CDC ل زانكۆیا زاخۆ سه‌نته‌رێ ناڤبرى ب سپۆنسه‌رییا رێكخراوا IREX یا ئه‌مریكى ڤه‌ چه‌ندین خۆلێن هاڤینێ (Micro-Internship) بۆ قوتابیێن زانكۆیا زاخۆ ژ هه‌مى كۆلیژ فه‌كۆلتییان ئاماده‌كرینه‌، د ئه‌ڤى پرۆگرامیدا قوتابى فێرى كاركرنێ دبن د بوارێ زانستێن جودا جودا و وموراله كا باش ب شیانێن كارى بو چێدبیت، هه‌روه‌سا دشیاندایه‌ قوتابى ده‌رفه‌تێن كارى لvپاشه‌رۆژى بده‌سخۆڤه‌ بینن  و سى ڤى یێ خۆ پێ بهێز بكه‌ن.

د ئه‌ڤى پرۆگرامیدا چه‌ندین خۆل و راهێنان یێن پراكتیكى و تیۆرى ب قوتابییان دهێنه‌ كرن چه‌ندین سمینار و وۆركشۆپ ژلایێ كۆمپانى و رێكخراوان ڤه‌ دهێنه‌ رێكئێخستن قوتابى دشێت مفایه‌كێ باش ژێ وه‌ربگریت.

هه‌ژییه‌ بێژین، كو ئه‌و رێكخراو و گرۆپ و كۆمپانیێن راهێنان ب قوتابیێن زانكۆیا زاخۆ كرین  بریتینه‌ ژ (رێكخراوا روانگه‌ ، GK-Auto Company, UB Group  Quantum Company ,Happy Park, Altunsa Group Company, سه‌رۆكایه‌تییا ته‌ندروستى، نه‌خۆشخانا ته‌نگاڤییا، نه‌خۆشخانا ژدایكبوونێ، كۆمپانیا ئاسیاسێل، كلینیكێن سه‌فین، په‌یمانگه‌ها فێربوون). زانكۆیا زاخۆ سوپاسى و پێزانینێن خۆ ئاراسته‌ى هه‌مى رێكخراو و كۆمپانیێن ناڤهاتى دكه‌ت ژبۆ وه‌رگرتن و پشته‌ڤانیا وان بۆ زانكۆیێ و قوتابییان هه‌روه‌سا داخوازا سه‌ركه‌فتنێ بۆ هه‌مى قوتابییان دخوازیت.